| حد سے بڑھ کر پیارے آقاؐ کی عقیدت دل میں ہے |
| بے شبہ محبوبؐ یزداں کی محبت دل میں ہے |
| وارتے ہیں روح و جاں کو احمدؐ مختار پر |
| جاگزیں شہ مصطفیؐ کی خوب عظمت دل میں ہے |
| دین حق کی ہم صدائیں دیں گے گوشہ گوشہ میں |
| ہم کو حاصل جو ہوئی صدقے نیابت دل میں ہے |
| دوست و دشمن ہر کسی نے آپؐ کو صادق کہا |
| ہے دیانت قلب میں سب کے، صداقت دل میں ہے |
| اسری کی شب انبیؑا بھی ہوگئے ہیں مقتدی |
| لائق تحسیں وہ اقصی کی امامت دل میں ہے |
| التجا ہے عاصیوں پر روز محشر ہو کرم |
| رحمت عالمؐ سے امید و شفاعت دل میں ہے |
| سامنے سیرتؐ رہے ناصؔر تو کچھ مشکل نہیں |
| لب پہ قرآں کی تلاوت ہے، اطاعت دل میں ہے |
معلومات