| دولت بھی کھودی، بازی ہارے چلے گئے |
| سب میری زندگی سے پیارے چلے گئے |
| خوشیوں کو رخصتی کا رستہ بتا دیا |
| صدموں پہ زندگی کو وارے چلے گئے |
| ہم نے جہاں بھی دیکھا بیراگیاں ملیں |
| جو خوش تھے زندگی میں سارے چلے گئے |
| طوفان زندگی میں ہم سے حیات نو |
| جیسے گزر رہی تھی گزارے چلے گئے |
| جیسے ہی ہم نے سوچا بغاوت کا دم بھریں |
| امیرِ شہر کو فوراً اشارے چلے گئے |
| چین و سکوں بھی ساتھ وہ لے کر چلا گیا |
| پھر کیا تھا زندگی کے سہارے چلے گئے |
| فطرت میں جس کی پیہم اداکاریاں رہی |
| ہر روز ہم اسی کو پکارے چلے گئے |
| نظروں کی جستجو تھی حسانؔ تمام عمر |
| آنکھیں ملیں تو سارے نظارے چلے گئے |
معلومات