| شاید کہ جاگ جائے تِری غیرت آج کل |
| لکھنے کی اور نہیں ہے کوئی صورت آج کل |
| دم توڑتی ہی جا رَہی ہے ہمت آج کل |
| جمہوریت کی ہے سَبھی کو حسرت آج کل |
| کرنی تھی پاسبانی جنہیں ملک و قوم کی |
| پامال خود وہ کر رہے ہیں حرمت آج کل |
| اِس سے بھی آہ آ رَہی ہے رہزَنی کی بُو |
| یہ جو بَنا ہے راہبَرِ ملت آج کل |
| عرصہ لگے گا شاید اِسے ختم کرنے مِیں |
| دل مِیں بہت پَنپ رَہی ہے نفرت آج کل |
| جن کے لیے ہمارے لبوں پر دعائیں تھیں |
| افسوس وہ ہیں مستحقِ لعنت آج کل |
| کوئی نہ بولتا ہے نہ سر کو اُٹھاتا ہے |
| اہلِ سخن کی کھو گئی ہے حشمت آج کل |
| آواز اُٹھانا ہم وَطَنوں ظلم کے خلاف |
| زندہ کَرو نبی کی یہ بھی سنت آج کل |
| شاہدؔ یہاں دوام کسی شے کو بھی نہیں |
| تخت و کلاہ کی رَہے گی لذت آج کل |
معلومات