| دہر میں جو مصطفیﷺ کا ہو گیا |
| ان سے راضی حق تعالی ہو گیا |
| جو نہیں انﷺ کا وہ رب کا بھی نہیں |
| جو ہوا انﷺ کا وہ رب کا ہو گیا |
| آپ کے آنے سے اے پیارے نبیﷺ |
| ساری دنیا میں اجالا ہو گیا |
| ناخدائی کے لیے آئے نبیﷺ |
| ڈوبنے والو! سہارا ہو گیا |
| کوئے آقاﷺ میں ہے کچھ ایسی کشش |
| جو وہاں پہنچا وہیں کا ہو گیا |
| کثرتِ ذکرِ جلیلِ شاہﷺ سے |
| قلب نورانی ہمارا ہو گیا |
| حسن یوسف پر زلیخا تھی فدا |
| آپﷺ پر قرباں زمانہ ہو گیا |
| چاند دو ٹکڑوں میں احسنؔ بٹ گیا |
| شاہ دیںﷺ کا جب اشارہ ہو گیا |
معلومات