| ہیں محبوبِ رب العلیٰ غوثِ اعظمؓ |
| نبی پاکؐ کے دلرُبا غوثِ اعظمؓ |
| یہ رتبہ تجھے ہے مِلا غوثِ اعظمؓ |
| تِرے زیرِ پا اولیا غوثِ اعظمؓ |
| جہانِ تصوف پہ، تیرا تصرف |
| تُمی ہو شہِ اَصْفِیا غوثِ اعظمؓ |
| تِرا نام اعلیٰ، تِری شان ارفع |
| جہاں میں نہیں دوسرا غوثِ اعظمؓ |
| حقیقت میں اے دل، وہی دل ہے کامل |
| رہیں جس مِیں غوث الوریؓ غوثِ اعظمؓ |
| مِرا دین و ایماں، فقط شاہِ جیلاںؓ |
| مِرے حامی و پیشوا غوثِ اعظمؓ |
| کَڑا وقت آئے، کہ ہُوں کالے سائے |
| کرم تیرا چاہوں سَدا غوثِ اعظمؓ |
| گُلِ باغِ زہراؑ، جگر بندِ مولاؑ |
| کریں میری مشکل کُشا غوث اعظمؓ |
| مدد کرنے میری، چلے آئے فوری |
| کہ جس دم پُکارا ہے یا غوثِ اعظمؓ |
| ہَزاروں بھی ہوں غم، نہیں ہوتا بے دم |
| رَہے بس تِرا آسرا غوثِ اعظمؓ |
| بہت درد و غم ہیں، سِتم ہیں اَلم ہیں |
| تم اِن کا کرو خاتمہ غوثِ اعظمؓ |
| وہ لہر آئی شاہاؓ سَفینہ بھی ڈوبا |
| خبر لے ہماری اب آ غوثِ اعظمؓ |
| سَہارا مجھے دے، کہ ملتے ہیں طعنے |
| مخالف زمانہ ہُوا غوثِ اعظمؓ |
| ہو فریاد رس تم، تُمی تم ہو بس تم |
| نہیں اور تیرے سِوا غوثِ اعظمؓ |
| جِلائے تھے مردے، کبھی تُو نے جیسے |
| مِرا دل بھی ویسے جِلا غوثِ اعظمؓ |
| مریدوں کو مُژدَہ، دِیا لا تخف کا |
| نہیں کوئی تم سا ہُوا غوثِ اعظمؓ |
| ہمیں بھی بُلا لو، در اپنا دِکھا دو |
| ہمارا بھی کر دو بَھلا غوثِ اعظمؓ |
| خدائے عَطُوفَت، ہو شاہدؔ پہ رحمت |
| پَئےمصطفیؐ، مرتضیؑ، غوثِ اعظمؓ |
معلومات