مفاعِلن مفاعِلن مفاعِلن مفاعِلن
محبتوں کی وادیوں میں اپنا گلستاں الگ
گلوں کی ہے مہک الگ ہماری داستاں الگ
کبھی تو ہو ہی جائیگا ہمارا آسماں الگ
بنے گی اک مثال جو کریں گے ہم بیاں الگ
عدالتِ سخن کے جو سنو تو، ہم وکیل ہیں
سنواریں ہم سماج کو ہماری ہے فغاں الگ
جنابِ میرؔ کے چمن کا ہم بھی ایک پھول ہیں
خمیر جب کہ ایک ہے تو کیسے ہو زباں الگ
مٹا کے غم بکھیرتے ہیں شادمانیاں یہاں
دیارِ دل کے شہر میں سجاتے ہیں سماں الگ
ملال ہے معاشرے میں بے کسی کا حال ہے
مٹے گی تب یہ بےبسی رہیں گے جو ژیاں الگ
سخنوروں کے عشق میں ہے ارشدؔی کی تازگی
یہ گل بکف ستاروں کا ملا ہے کارواں الگ
مرزاخان ارشدؔ شمس آبادی

0
73