| جو شاہِ شاہاں نورِ یزداں مالک و مختار ہیں |
| رحمت ہے ان کی چار سو کونین کے دلدار ہیں |
| عکسِ جمالِ کبریا آقا حبیبِ دو سریٰ |
| کونین کی ہیں جانِ جاں اور رونقِ گلزار ہیں |
| جواد ایسے غمزدوں کو دان جو دیتے ہیں عام |
| وہ بے بسوں کا ماویٰ ملجا ہمتِ لا چار ہیں |
| تھیں ظُلمتیں جو کُفر کی ذاتِ نبی نے دور کیں |
| ذاتِ حسیں کے نُور سے تاباں در و دیوار ہیں |
| منظر میں دیکھیں حُسنِ جاں آقا کریمی کرم ہو |
| یہ ملتجی ہیں منتظر اور طالبِ دیدار ہیں |
| آقا شفیعِ مُجّرِماں اے چارہ گر اے مہرباں |
| کوتاہیوں کا یا حبیبی کر رہے اقرار ہیں |
| ہے خوف دل میں حشر کا پلّے خزیں کے کُچھ نہیں |
| عصیاں خطا کے میرے آگے یہ بڑے انبار ہیں |
| تولے جو سب کے جائیں گے اعمال ہادی حشر میں |
| اذنِ شفاعت مانگتے سب اُمتی سرکار ہیں |
| کوئی رہے محرومِ بَخشش یہ کبھی مُمکِن نہیں |
| محبوبِ حق مشکل کشا جب شافی و غمخوار ہیں |
| اخلاق میرے پست ہیں اور کام بھی سیدھے نہیں |
| لیکن مخیر ذات کے پیارے سخی دربار ہیں |
| محمود پر کر دیں کرم ہادی حبیبِ کبریا |
| آقا کریمی مصطفیٰ جو مالک و مُختار ہیں |
معلومات