دَور ہے ذلتوں کے ڈھونے کا |
ڈر گیا عزتوں کے کھونے کا |
ہم نے سب کچھ لٹا دیا، اب تو |
کوئی ساماں نہیں ڈبونے کا |
بھوک کی بے کلی میں یہ بچے |
کیا کہیں گے ہمیں کھلونے کا |
آنکھیں روئیں گی خون کے آنسو |
نہ تھما سلسلہ جو رونے کا |
موتیوں کا انھیں، مجھے آنسو |
شوق دونوں کو ہے پرونے کا |
اب نہیں ایک قطرہ آنسو بھی |
اور دل کہہ رہا ہے رونے کا |
پیار و احساس و درد مندی دل |
یہ زمانہ نہیں ہے بونے کا |
فاصلہ فاصلہ ہی ہوتا ہے |
ایک کونے سے ایک کونے کا |
معلومات