| یہ آمد مصطفیٰ کی ہے، خوشی کا ہے سماں یارو |
| فلک پر زینتیں ہر جا، سجے ہیں دو جہاں یارو |
| مبارک ہو مبارک ہو، ہیں نغمے جا بجا جاری |
| مسرت میں لگے گردوں، ہُوا ہے ضوفشاں یارو |
| سجے ہیں عرش و کرسی بھی، ہے رونق بے بہا، ہر جا |
| منور دہر کو دیکھیں، ہے روشن لا مکاں یارو |
| ہیں لرزے قصر قیصر کے، ہوئے آتش کدے ٹھنڈے |
| نبی آئے نبی آئے، ہے ڈنکے سے عیاں یارو |
| چمک ذروں نے ہے پکڑی، یہ مکہ بھی فروزاں ہے |
| رواں دنیا سے ہے ظلمت، اندھیرا ہے کہاں یارو |
| خدا کے نور وہ بن کر، نبی تشریف لائے ہیں |
| ہے قرآں میں عیاں آیا، خدا کا یہ بیاں یارو |
| حسیں رونق ہیں ہستی کی، جمیلِ دو سریٰ دلبر |
| سجاوٹ دو جہانوں کی، یہ وجہہ کن فکاں یارو |
| جہاں کے حسن والوں میں، نبی میرے سخی سرور |
| محبت کی خبر بن کر، رکھیں میٹھی زباں یارو |
| جہاں کے سب حسینوں سے، حسیں، محمود جانم ہیں |
| جو رونق دو جہانوں کی، کریں تاباں زماں یارو |
معلومات