| آ بیٹھ نجومی پاس مرے |
| کوئی آس دلا دے ملنے کی |
| کوئی منتر پھونک دلاسے کا |
| دے شام وچھوڑا ڈھلنے کی |
| کوئی جادو پڑھ دے چاہت کا |
| دے راحت غم کے ٹلنے کی |
| کوئی بھالا پھینک ستاروں پر |
| کوئی دیکھ لکیر سنبھلنے کی |
| کوئی ٹونہ کر کے قسمت پر |
| تُو کر تدبیر بدلنے کی |
| کوئی نقشہ کھینچ رفاقت کا |
| کوئی طاقت جوڑ بہلنے کی |
| کوئی ایسی کوڑی دور کی لا |
| جو رکھ دے سوچ پلٹنے کی |
| کوئی سنگم ڈھونڈ ملانے کا |
| کوئی کشتی پار اترنے کی |
| کوئی وعدہ دیکھ جو باقی ہو |
| کوئی خواہش ساتھ میں چلنے کی |
| کوئی مخبر ایسی خبر ہی دے |
| جو ہو بس ہجر کے مرنے کی |
| وہ نقش نہ باقی رہنے دے |
| جو بات کرے دل جلنے کی |
| آ بیٹھ نجومی پاس مرے |
| اک آس دلا دے ملنے کی |
معلومات