| پیارا جو نام ان کا اس دل نے جب پکارا |
| سرکار کا کرم پھر میرا بنا سہارا |
| اس دشتِ میں پنپنا آسان ہو گیا ہے |
| تیرے کرم نے ہادی سارے غموں کو مارا |
| مایوس جب کیا ہے دنیا کے حزن نے دل |
| ذکرِ حبیبِ رب نے کیا خٰیر سے ہے چارہ |
| ہے توڑ اب دکھوں کا سرکار کا کرم بس |
| بوسیدہ ناؤ کو بھی ان کا ہے در کنارا |
| ان کی نظر سے پھیلا توحید کا اجالا |
| اذہانِ خلق کو بھی جس نے سدا نکھارا |
| دشمن ہیں میرے پکے شیطان اور نفس دو |
| لطف و کرم ہو ہادی تیرا ہمیں ہے یارا |
| محمود حسنِ ہستی خیراتِ مصطفیٰ ہے |
| جن سے جہاں میں آیا یہ روپ ہے جو سارا |
معلومات