| یہ ممکن نہیں کوئی توبہ کرے |
| نہ جب تک خدا اُس کو توفیق دے |
| مبارک جو ہاتھ اس کا ہی تھام لے |
| سکینت کی وادی میں اترا کرے |
| خدایا مرے سب گنہ بخش دے |
| نہ ہو یہ، ترے سامنے دل ڈرے |
| جو دامن مرا پاک ہو ، صاف ہو |
| ترا قرب پاؤں نہ جاؤں پرے |
| طلب گارِ بخشش اگر دل رہے |
| خدا بھی حفاظت میں اپنی رکھے |
| جو جیتے تُو خود کو کہے با کمال |
| جو ہارے تو دوش اِس کا قسمت کو دے |
| ترا حال کیسا عجب ہو گیا |
| نہ ہو ایسے دیکھے ، کوئی تو ہنسے |
| وہی زندگی ہے خدا سے ہو خوش |
| تمہارا خدا تم سے راضی رہے |
| تمہارا سبھی کچھ فدا اس پہ ہو |
| کوئی شے بھی اپنی نہ باقی رہے |
| فقط ، خاک کی ایک مُٹھی تو ہے |
| یہی کہہ کے طارقؔ ، خدا بخش دے |
معلومات