| پھر لیا تو نے مرا نام خدا خیر کرے |
| ہاتھ میں آنے لگا جام خدا خیر کرے |
| سوچتا ہوں کہ تری بات پہ کر لوں میں یقیں |
| پھر بھلے کچھ بھی ہو انجام خدا خیر کرے |
| عشق گر ہو تو چلائے بھی نہیں چلتی زباں |
| آنکھ سے ہوتا ہے سب کام خدا خیر کرے |
| محفلِ یار ہو مے خانہ یا مسجد ہو کوئی |
| ان کا حاصل ہے فقط جام خدا خیر کرے |
| دلِ بے حال تجھے کس کا ہے یہ روگ ملا |
| کہ تو مدحوش ہے تا شام خدا خیر کرے |
| مے کدے جھوم کے ہے آج تری فتحِ مبیں |
| شیخ آتا ہے لئے جام خدا خیر کرے |
| لذتِ دید،سکوں، چین، ہے تجھ سے ہی مرا |
| تو بنا ہے مرا آرام خدا خیر کرے |
| پھر اسی جاں سے مجھے عشق ہوا چاہتا ہے |
| ڈر ہے ہوجاؤں نہ ناکام خدا خیر کرے |
| بھری محفل میں مری سمت جو تو نے کی نظر |
| دل کو رکنے کا نہیں نام خدا خیر کرے |
| ایک خط آج ہے حیدر مجھے موصول ہوا |
| اس نے بھیجا ہے یہ پیغام خدا خیر کرے |
معلومات