| محسن، مربی، کوئی شناسا دکھائی دے |
| کوئی تو ہو یہاں پہ جو اپنا دکھائی دے |
| زلفیں ہٹے جو رخ سے تو ایسا دکھائی دے |
| بادل سے چاند جیسے نکلتا دکھائی دے |
| گر دیکھیے جہان کو مجنوں کی آنکھ سے |
| صحرا بھی اک حسین بغیچہ دکھائی دے |
| یوں تو حسین چہرے ہیں دنیا میں بے شمار |
| لیکن مجھے تو کوئی نہ تم سا دکھائی دے |
| اب اور کیا کہوں میں درخشاں کے حسن پر |
| سورج بھی اس کا نقشِ کفِ پا دکھائی دے |
| کس موڑ پر حیات یہ لے آئی کھینچ کر |
| یا رب کوئی نجات کا رستہ دکھائی دے |
| آنکھوں سے گر اتار دے عینک فریب کی |
| پھر خوش مزاج شخص بھی روتا دکھائی دے |
| مجھ کو پتا چلا تو میں حیران رہ گیا |
| اتنا وہ پارسا نہیں جتنا دکھائی دے |
| احسنؔ کو آج دی ہے کسی نے یہ بد دعا |
| تاریخ میں بھی کوئی نہ تجھ سا دکھائی دے |
معلومات