| ڈھل گئی شام، صبح آتی ہے |
| یاد گھر کی بہت ستاتی ہے |
| ہم کہاں آتے ہیں تِری گلی میں |
| بس تِری یاد کھینچ لاتی ہے |
| دھیان سے حالِ دل مِرا سننا |
| آہ، میری شرر بناتی ہے |
| یہ دو گھڑیاں ہوئیں قیامت کی |
| آپ آئیے کہ موت آتی ہے |
| حال بھی پوچھتی ہے آ کر, اور |
| چائے, سگریٹ بھی پِلاتی ہے |
| سامنے رکھ کے وہ مئے گُلفام |
| میرؔ کے شعر بھی سُناتی ہے |
| خالی جاتی نہیں کوئی ساعت |
| دم بہ دم تیری یاد آتی ہے |
| راز کوئی تو دل میں ہے شاہدؔ |
| تیری خاموشی سب بتاتی ہے |
معلومات