| ذات میں ارتقاء کرے کوئی |
| حق کو نہ فلسفہ کرے کوئی |
| دس لطائف پہ ذات مُبنی ہے |
| خود کا گر تجزیہ کرے کوئی |
| ظاہراً ہیں لطیفے خمسہ جو كہ |
| جان لے تو، صَفاء کرے کوئی |
| باطناً ہیں لطیفے خمسہ جو كہ |
| پائے تو حق لقاء کَرے کوئی |
| خاک ظاہر كا ہے لطیفہ اولیٰ |
| تا کہ حق جاذبہ کرے کوئی |
| آگ ثانی لطیفۃُ الظَّاہر |
| نار میں نہ جلا کرے کوئی |
| خَلق كا ثالثہ لطیفہ ہَوَا |
| اس كے دم پر اُڑا كرے كوئی |
| پانی اربعہ لطیفۂ خَلقی |
| حِرص میں نہ بہا كرے كوئی |
| نفس، پنجی لطیفہ خَلق کا ہے |
| اس كے شر سے بچا كرے كوئی |
| قلب باطن کا ہے لطیفِ اولیٰ |
| گر صَفی سے مِلا كرے كوئی |
| روح باطن کی ہے لطیفہ دو یم |
| در خلیلی رَہا كرے كوئی |
| ثالثہ سِر لطیفہ باطن کا |
| گر كلیمی رَوا كرے كوئی |
| ہے خَفِی چوتھا لاطِفِ باطن |
| عِیسَوی رنگ رنگا کرے کوئی |
| اَخفیٰ خامس لطیفۂ باطن |
| مصطفیٰ مصطفیٰ كرے كوئی |
| صبغۃُ اللہ انھیں کو چڑھتا ہے |
| اِن سے جب آشنا كرے كوئی |
| گر لطائف پہ نہ عبور آئے |
| تو مُریدی میں کیا کرے کوئی |
| اس سے واقف ہیں مرشدِ کامل |
| بیعت ان سے لیا کرے کوئی |
| کوئی پا جائے رُویتِ حق کو |
| اور ہاہا ہہا کرے کوئی |
| گر مریدی مراد کو پہنچے |
| رقصِ تا نا نا نا کرے کوئی |
| کُل لطائف میں پایا کوئی حیات |
| رکھ کے سب کچھ مرا کرے کوئی |
| اے ذکیؔ یہ نہیں سخن تیرا |
| تو لکھے، پر کہا کرے کوئی |
معلومات