| حضور آپ کے در کا ہی صدقہ ملتا ہے |
| حضور آپ سے گھر بار میرا چلتا ہے |
| حضور ذکر ہے یہ آپ کا سکون جاں |
| حضور اس سے ہی دل کو سکون ملتا ہے ۔ |
| حضور آپ سے روشن جہان ہے سارا |
| حضور آپ سے تاریک دل چمکتا ہے |
| حضور عصیاں کے انبار ہیں لگے مجھ میں |
| حضور حشر میں انجام سے ڈر لگتا ہے |
| حضور مجھ کو بچالیں خدارا محشر میں |
| حضور آپ کا سکہ وہاں بھی چلتا ہے |
| حضور ازن مدینہ کا میں سوالی ہوں |
| حضور دور ہوں طابہ سے دل بھی جلتا ہے |
| حضور آپ کےشایان کیسے لکھ پاؤں |
| حضور ہر بشر اظہار یہ ہی کرتا ہے |
| حضور آپ سا کوئی جہاں میں آیا کب |
| حضور آپ تو اوصاف میں بھی یکتا ہے |
| حضور آپ کی سیرت عظیم تر واللہ |
| حضور آپ سے بندہ فلاح پاتا ہے |
| حضور آپ ہیں وجہہ وجود ارض و سماں |
| حضور آپ سے عالم یہ جگمگا تا ہے |
| حضور آپ ہیں محبوب رب تعالیٰ کے |
| حضور آپ کے در سے ہی خدا ملتا ہے |
| حضور آپ ہیں قاسم ۔ خدا کی نعمت کے |
| حضور آپ سے سارے جہان پلتا ہے |
| حضور آپ غلاموں پہ کرم کرتے ہیں |
| حضور آپ کا احسان ہم پہ بنتا ہے |
| حضور آپ ہیں رحمت جہان والوں پر |
| حضور آپ سے سب کو دوام ملتا ہے |
| حضور شمس کو پلٹائیں ۔وہ پلٹتا ہے |
| حضور کردیں اشارہ تو چاند ہلتا ہے |
| حضور آپ ہیں بدر الدجی خدا کی قسم |
| حضور آپ سے خورشید بھی ضو پاتا ہے |
| حضور خادم اختر میاں ہے یہ ذیشان |
| حضور صدقۂ غوث الورٰی یہ چاہتا ہے |
معلومات