| یادوں کی رت ہے ذہن ہے امساک کی طرح |
| عاری ہے سب تخیلِ کاواک کی طرح |
| بولی لگی جو شہر میں لفظوں کی صنف پر |
| بیچی زبان سب نے ہے املاک کی طرح |
| عالم، شیوخ، مفتی و ملا مزاج لوگ |
| کیوں دیکھتے ہیں عقل کو خاشاک کی طرح |
| کہنے کو اس جہان میں کہنے کی چھوٹ ہے |
| لیکن قفس میں طائرِ پر چاک کی طرح |
| کرتا ہے یاد لمحہ بہ لمحہ فراق کو |
| ہے ذہن اپنا دشمنِ سفاک کی طرح |
| دل کے کسی دریچے پہ ڈھلتی ہے دوپہر |
| پھر ہے مزاج آج جگر چاک کی طرح |
| حیدر ہماری جاں پہ بن آئی ہے عشق میں |
| ہوگا کہیں جہاں میں یہ تریاک کی طرح |
معلومات