| حبیبؐ کبریا سا کوئی گر آیا ہو تو بولو |
| نبوت میں کسی کا ایسا جو رتبہ ہو تو بولو |
| شفیع المذنبیںؐ کے اشک بحر بے کراں بنتے |
| "غم امت میں آقا ؐسا کوئی رویا ہو تو بولو" |
| ہوئے جگ میں کئی مبعوث اولوالعزم پیغمبرؑ |
| امام الانبیاؐ سا خوش لقب پایا ہو تو بولو |
| فرشتے منتظر طائف میں تھے بس اک اشارے کے |
| کسی کو رحمت عالمؐ نے پر کوسا ہو تو بولو |
| ستایا خوب جاتا راہ حق میں آپؐ کو اکثر |
| شہ ابرارؐ نے تبلیغ کو چھوڑا ہو تو بولو |
| سنہری جالیاں کیا، سبز گنبد وہ ریاض الجنہ |
| مدینہ جا کے جزبوں میں نہ دل ڈوبا ہو تو بولو |
| شہ دیںؐ نے غریبوں کو نوازا ہے سدا ناصؔر |
| تعلق ناتوانوں سے کبھی توڑا ہو تو بولو |
معلومات