| وطن میں اپنے ہی رہنا ہوگا |
| حقوق لینے پہ اٹھنا ہوگا |
| کمی نہیں ہے مرے وطن میں |
| کسی بھی شے کی یہ کہنا ہوگا |
| ہیں دنیا ساری میں سب سے آگے |
| یقین اس پر بھی رکھنا ہوگا |
| ہمیں ابھی سے یہ فلسفہ بھی |
| وطن کے بچوں کو دینا ہوگا |
| جو گھر میں سب کچھ ملے ہمیں تو |
| نہ ہم کو پردیس سہنا ہوگا |
| نہیں ضرورت وطن سے جائیں |
| وطن کی خاطر ہی جینا ہوگا |
| اگر کبھی پڑ گئی ضرورت |
| وطن کی خاطر ہی مرنا ہوگا |
| پرانی باتیں بھلا کے ہم کو |
| وطن پرستی کو پڑھنا ہوگا |
| کریں جو کوشش تو ایک دن تو |
| وطن کو اپنے بدلنا ہوگا |
| ہے کتنا مشکل وطن سے جانا |
| ہوائی اڈوں پہ لکھنا ہوگا |
معلومات