| محمد کا گدا ہوں میں جو ہیں بے حد عطا والے |
| خدا کے بعد ہر رتبے میں ہیں وہ انتہا والے |
| گدا خالی نہیں آتا کوئی دربار اقدس سے |
| مرادیں ملتی ہیں سب کو وہ ہیں بے حد سخا والے |
| خدا نے ہر زمانے میں رکھی ہے آبرو ان کی |
| کبھی ہوتے نہیں رسوا محمد مصطفی والے |
| محمد کی غلامی اصل میں توحید باری ہے |
| ہوئے جو مصطفی والے وہی تو ہیں خدا والے |
| نگاہِ مصطفی میں ہیں بڑے ہی محترم واللہ |
| ابوبکر و عمر عثماں علی و کربلا والے |
| عتیق ان کے لیے خُلدِ بریں بیتاب رہتی ہے |
| دل و جاں سے جو ہو جائیں محمد کی رضا والے |
معلومات