| آنکھوں سے کبھی دل میں اتر کیوں نہیں جاتا |
| آتا ہے گلی میں مرے گھر کیوں نہیں جاتا |
| زیتون کے پتے لئے آیا ہے پرندہ |
| سیلاب محبّت کا اتر کیوں نہیں جاتا |
| کشتی کے مسافر نے بہت چپّو چلایا |
| رستے میں جو آتا ہے بھنور کیوں نہیں جاتا |
| مدّت ہوئی چھوڑے ہوئے دنیا کی لگن تو |
| جیون میں ہے جو مدّو جزَر کیوں نہیں جاتا |
| بے وقت چلا جاؤں گا تکلیف تو ہو گی |
| خوش ہو گے پتہ کر کے اُدھر کیوں نہیں جاتا |
| چپکے سے کسی روز چلے آؤ گے ملنے |
| سپنا مری آنکھوں سے یہ دن بھر نہیں جاتا |
| منزل تھی نظر میں تو چلے راہ گزر پر |
| جب وصل ہوا ہے تو سفر کیوں نہیں جاتا |
| جیون میں کبھی عُسر کبھی یُسر مقدّر |
| آہوں کا مری اب بھی اثر کیوں نہیں جاتا |
| آہٹ سے مرے آنے کی ہے اس کو توجّہ |
| جھک جانے کو چوکھٹ پہ یہ سر کیوں نہیں جاتا |
| ملتے رہے اِخلاص لئے دل میں ہر اک سے |
| طارق وہ چلے جائیں گے ڈر کیوں نہیں جاتا |
معلومات