| چلو کہ پھر سے نیا رازداں بنا لیں ہم |
| نئی زمین نیا آسماں بنا لیں ہم |
| کہیں تلاش کریں ہم نئے زمانوں کو |
| نئے سرے سے کوئی داستاں بنا لیں ہم |
| تجھے نکال کے اپنے وجود سے ہم بھی |
| شجر نئے پہ کوئی آشیاں بنا لیں ہم |
| چلو کہ ہم کسی ایسی جگہ چلے جائیں |
| کہ بات تیرے بِنا بھی وہاں بنا لیں ہم |
| کہ ہم نے دیکھ لیئے لفظ بے اثر ہوتے |
| کہ خامشی کو ہی اپنی زباں بنا لیں ہم |
| ہجومِ شہر میں خود کو نہ سن سکوں جو میں |
| کسی بیاباں میں ہی آستاں بنا لیں ہم |
| کوئی پری چہرہ پھر سے خود کو بھا جائے |
| سکوتِ پیری کو پھر سے جواں بنا لیں ہم |
| کیا کریں کہ تو مسکن ہے میری روح کا بھی |
| کہاں سے خود کا کوئی بھی جہاں بنا لیں ہم |
| ہمایوں تیرے تخیل کی ہے سزا تجھ کو |
| بہار کو بھی جو دیکھیں خزاں بنا لیں ہم |
| ہمایوں |
معلومات