کیوں ڈوبتے ہُوئے کو بچایا نہیں گیا |
ہمدردی کے سبق کو نبھایا نہیں گیا |
محوِ تماشہ بننے کی لت رہتی ہے بری |
دکھ کی گھڑی میں دکھ بھی جتایا نہیں گیا |
مطلب پرستی بڑھ چکی اب تو بے انتہا |
"تشنہ لبی میں جام پلایا نہیں گیا" |
بے اعتنائی بن گئی مرغوب طبع تو |
بیگانگی کو ہم سے رکایا نہیں گیا |
ہے انقلاب کے نہ پنپنے کا اک سبب |
بیداری کی مہم کو چلایا نہیں گیا |
ہر نوجوان قیمتی گوہر ہے قوم کا |
صد حیف، نسلِ نو کو جگایا نہیں گیا |
ملت کی پستی دل مرا ناصؔر دُکھاتی ہے |
سینہ سے غم کبیر بھلایا نہیں گیا |
معلومات