| محبوبِ دو سریٰ کو، درجہ عُلیٰ ملا ہے |
| لولاک اُن کو کہتا، دارین کا خدا ہے |
| نعتِ حبیب میں ہیں، حمدِ حمید کے رنگ |
| جانِ جہاں نبی ہیں، خوش اُن سے کبریا ہے |
| جھومیں ذکر سے اُن کے، گردوں میں چلنے والے |
| یہ ورد اُن کو رب نے، کیسا سکھا دیا ہے |
| نازاں فلک پہ تارے، خوش دہر کے نظارے |
| آسودگی ثنا کی، گہنہ جو مل گیا ہے |
| وہ آرزو ہیں میری، وہ جستجو ہیں میری |
| آئے جو خیر اُن سے، کیا خوب آسرا ہے |
| مانگوں میں فضل اُنؐ کا، داتا خدا ہے جن کا |
| گنجِ خدا جو بانٹے، کیا جودِ دلربا ہے |
| میرے کریم ہادی، سرتاجِ انبیا ہیں |
| سلطانِ دو جہاں ہیں، کوثر انہیں ملا ہے |
| وہ درد کی دوا ہے، ہر دا سے بھی شفا ہے |
| ذکرِ حسیں حبیبی، جو وردِ دوسریٰ ہے |
| دارین جن کو رب سے، تحفہ حسیں ملا ہے |
| شہکارِ کبریا وہ، مختار مصطفیٰ ہے |
| ظرفِ زماں ہے جن سے، ہستی میں ہیں وہ یکتا |
| اُن سے جہاں ضیا ہے، اُن کا ذکر عُلیٰ ہے |
| محمود دل ربا جو، جمالِ دوسریٰ ہے |
| منظورِ کبریا ہے، محبوب مصطفیٰ ہے |
معلومات