| مرے پیچھے اگر لشکر نہیں ہے |
| عدو کا پھر بھی کوئی ڈر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| ابھی رختِ سفر مت باندھیے گا |
| نہیں یہ فیصلہ بہتر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| مرے خوابوں کی دنیا جھوٹ ہے سب |
| حقیقت میں کوئی منظر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| مجھے تعلیم ہے بچوں کو دینی |
| کوئی اس سے بڑا زیور نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| اکیلا گھومتا ہوں در بدر میں |
| بھری دنیا میں اب دلبر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| بنا تیرے فقط ہم جی رہے ہیں |
| بنا تیرے اے ماں یہ گھر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| مرے حالات پر روتا تھا اکثر |
| کہاں ڈھونڈوں وہ چشمِ تر نہیں ہے |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| وہ میرے درد کو سمجھے گا مانی |
| وہ اک انسان ہے پتھر نہیں ہے |
معلومات