| مہنگی بات ہے سستے دام |
| خوشیوں کے تَو اَم آلام |
| دل سے نکلی آج دعا |
| رادھا کو مل جائے شام |
| لے کر پھرتے ہیں کتنے |
| چُھری بغل میں منہ میں رام |
| پا جائے گا سچ تُو بھی |
| ڈھونڈے اُس کو جو ہر گام |
| کاگا کے بچے پالے |
| کوئل کا نیکی پیغام |
| ناداں مفت میں رائے دے |
| چپ رہنا دانا کا کام |
| منزل ہم کو ڈھونڈے گی |
| چلتے جانا اپنا کام |
| آج نہیں تو کل جانا |
| رہتا ہے یاں کون مدام |
| فانی ہے ہر چیز یہاں |
| پاتا ہے یاں کون دوام |
| گو گہنے پر قدغن ہے |
| پھر بھی سب کو کہیں سلام |
| قدرت کی تقسیم ہے یہ |
| کام یہاں اُس پار آرام |
| طارق نے شہکار غزل |
| کہہ کر کر دی اُس کے نام |
معلومات