| ہے پریشاں حال امت اے امام الانبیاء |
| المدد اے سرورِ دیں المدد یا مصطفی |
| فتنوں کے اس دور میں جائیں تو جائیں ہم کدھر |
| ہو نگاہِ لطف ہم پر مصطفیٰ خیر الوری |
| اے خدا یہ خلق تیرے قبضۂ قدرت میں ہے |
| پھیر دے سب کے دلوں کو جانبِ رشد و ہدا |
| ہے بڑا مشکل بچانا اب یہاں ایمان کا |
| بچ گیا وہ جس پہ ہو جاۓ نگاہِ مصطفے |
| وہ سحر خیزی و سجدے اور وہ سوز و گداز |
| پھر عطا کر دیجئے گا اے حبیبِ کبریا |
| یاد کر مہر و محبت اور اخوت کا سبق |
| اے عتیق اظہار کر اپنے عمل سے بر ملا |
معلومات