| نہ دیکھ خواب نئے، کوئی ان بہاروں میں |
| سفیرِ دشت ہوں، رہتا ہوں خارزاروں میں |
| نہ مجھ کو لذتِ گل چاہیے، نہ رنگ و بو |
| میں پل چکا ہوں خزاں کی ہی یادگاروں میں |
| ملی ہے خاک سفر کی جو میری آنکھوں کو |
| وہ روشنی نہیں پائی کبھی ستاروں میں |
| میں سوگوار رہا عمر بھر ہنسی بن کر |
| نہ تھا سکون مجھے قہقہہ قطاروں میں |
| دلوں پہ زخم سجا کر جو چلتے رہتے ہیں |
| ملے ہیں مجھ کو وہی لوگ رہگزاروں میں |
| نہ کر تلاش مجھے خامشی کے منظر میں |
| میں چیختا رہا برسوں یہ دلفگاروں میں |
| نہ پوچھ حال مرا بزمِ زندگی میں ابھی |
| گزر گیا ہوں میں کانٹے لیے بہاروں میں |
| کلام:- خورشید حسرت |
معلومات