| چھینے جو گھر ترا کوئی گھٹ جائے گا نہ دل |
| اپنے حقوق کے لیے ڈٹ جائے گا نہ دل |
| سُن کر کسی سے حال جو بھیگی ہے تیری آنکھ |
| سُن کر مری زبان سے پھٹ جائے گا نہ دل |
| تجھ کو کہاں ہے حوصلہ دیکھے یہ ظلم تُو |
| بچوں کی لاشیں دیکھ کے کٹ جائے گا نہ دل |
| اپنا وطن جو چاہئے واپس تو جان دیں |
| آخر مطالبے سے یہ ہٹ جائے گا نہ دل |
| پھٹ جائے گا کلیجہ ہیں آنکھیں جو اشک بار |
| پر غم کے بوجھ سے یونہی چھٹ جائے گا نہ دل |
| میں مانتا ہوں ظلم ہو دونوں طرف سے جب |
| پھر تو نہیں بعید کہ بٹ جائے گا نہ دل |
| طارق کلیجہ پھٹتا ہے سن کر یہ واقعات |
| چھینٹوں سے خون کے ترا اٹ جائے گا نہ دل |
معلومات