| ہر سمت یاں ہر آن میں کچھ ڈھونڈ رہا ہوں |
| ملنے کا ہے امکان میں کچھ ڈھونڈ رہا ہوں |
| سمجھے ہو کیوں مجھ کو گرفتارِ محبت |
| رہنے دو مری جان میں کچھ ڈھونڈ رہا ہوں |
| جو پاس تھا میرے میں نے وہ بھی گنوادیا |
| اس بات سے انجان میں کچھ ڈھونڈ رہا ہوں |
| ہر سمت میں کُہرا ہے نہ ہے مِیل کا پتھر |
| اور رستہ ہے سنسان میں کچھ ڈھونڈ رہا ہوں |
| گر یاد ہو جس دشت سے ناساز تھی حالت |
| واں پر ہی مری جان میں کچھ ڈھونڈ رہا ہوں |
| تشویش ہے کیوں پوچھتے ہیں چاہنے والے |
| اور وجہ ہے حسانؔ میں کچھ ڈھونڈ رہا ہوں |
معلومات