| شاہِ کون و مکاں کا پیراہن |
| سیدِ انس و جاں کا پیراہن |
| بے نواؤں کے واسطے راحت |
| یاورِ بے اماں کا پیراہن |
| اس کی برکت سے غم مٹے سارے |
| حامیِ بے کساں کا پیراہن |
| نعمتیں اس کے صدقے ملتی ہیں |
| باعثِ کن فکاں کا پیراہن |
| دل کی بر آتی ہیں مرادیں سب |
| رحمتِ دوجہاں کا پیراہن |
| مل کے پڑھتے رہیں دُرود شریف |
| والیِ بے کساں کا پیراہن |
| ہے مشاہد ترے دکھوں کی دوا |
| راحتِ خستگاں کا پیراہن |
| عرض نمودہ : محمد حسین مشاہد رضوی |
| 12 ربیع الاول 1443ھ |
| 19 اکتوبر 2021ء بروز منگل |
| بہ موقع زیارتِ پیراہن مبارک خلدآباد شریف، |
| ضلع اورنگ آباد |
معلومات