| عظمت جن کی شانِ دو عالم |
| ذات ہے اُن کی آنِ دو عالم |
| نِعمتِ رَب کے قاسم ہیں وہ |
| بھرتے ہیں دامانِ دو عالم |
| گُل کی ہیں زینت بُو کلی کی |
| آیا اُن سے دانِ دو عالم |
| کانِ عطا ہیں حسن کے داتا |
| مدحت میں حسانِ دو عالم |
| آدم کے یہ فخرِ مسیحا |
| دائم ہیں درمانِ دو عالم |
| عرش پہ آنا مسند پانا |
| رشک کریں سُلمانِ دو عالم |
| باعثِ ہستی نور ہے جن کا |
| رہبر ہیں یہ جانِ دو عالم |
| ہستی کی پوری سَج دَھج ہیں |
| دلبر ہیں ذیشانِ دو عالم |
| یہ عالم رنگ و بُو اُن سے |
| قائم اُن سے مانِ دو عالم |
| اللہ کی بُرہان ہیں آقا |
| داتا کے غِلمان دو عالم |
| پیارے ہیں محمود جو دلبر |
| بیشک ہیں سُلطانِ دو عالم |
معلومات