| رونق دہر میں ساری جن کے کرم سے ہے |
| کامل جہاں کی زینت ان کے قدم سے ہے |
| گردوں میں ہے جو جھلمل اجرامِ نور کی |
| ان کو یہ داد نوری شاہِ امم سے ہے |
| نورِ مبیں سے زائل ہر دم ہیں ظلمتیں |
| ڈنکا فلاح کا بھی اُن کے عَلم سے ہے |
| دولت درِ نبی سے ملتی ہے دین کی |
| ہر گنج خیر کا بھی فیضِ اتم سے ہے |
| خالی لیے جو جھولی خدمت میں آ گیا |
| امید اس کی پوری شاہِ حرم سے ہے |
| خاطر درِ نبی میرا دل فگار ہے |
| ہر گھاؤ کا جو درماں بطحا ارم سے ہے |
| بادِ صبا ہے لے جا یہ عرضِ عاجزی |
| محمود کچھ حزیں سا بطحا کے غم سے ہے |
معلومات