| اللہ کے پیارے ہیں مصطفی ہمارے |
| اللہ نے دیے ان کو معجزات سارے |
| جبریل نے ولادت پر جن کی جھنڈے گاڑے |
| وہ آمنہ کے بیٹے اللہ کے پیارے |
| کعبہ جھکا سلامی کو آمدِ شہا پر |
| کعبے کا بھی ہیں کعبہ وہ مصطفی ہمارے |
| آقا ترے تو چہرے کی بھی چمک ہے ایسی |
| والنجم کے لقب سے تم کو خدا پکارے |
| صدیق کا ہے ارماں میں وار دوں خزانے |
| قدموں میں بیٹھ کر میں رخ کے کروں |
| نظارے |
| یاں اک گھڑی نہ بیتی بہتا رہا تھا پانی |
| دیدِ خدا میں تم نے برسوں وہاں گزارے |
| تصدیق دید کی رب نے ماطغی سے کردی |
| اللّٰہ کے آنکھ سے تم نے واں کیے نظارے |
| کر دیں پہاڑ و پربت کو بھی جو ریزہ ریزہ |
| سینے پہ آپ کے رب نے راز وہ اتارے |
| تم پشت سے بھی ایسے تکتے ہو آقا جیسے |
| سب کچھ ہی آنکھ کے ہو، وہ سامنے تمہارے |
| کستوری کی بو جن میں، جو برف سے ہیں ٹھنڈے |
| تیرے وہ دستِ اقدس بھی کتنے ہیں پیارے |
| انگلی سے پھیرا سورج چیرا کلیجہ مہ کا |
| پانی کے انگلیوں سے تیرے بہے فوارے |
| روکا ہے ٹھوکرِ پا۔ سے جنبشِ احد کو |
| پربت بھی مانتے ہیں سب حکم وہ تمھارے |
| پانی کیا ہے تم نے جب جسمِ پاک سے مس |
| پروانہ وار لپکے اس پر صحابی سارے |
| تیرے کرم کے دریا بہتے ہیں سب پہ آقا |
| عاجز پہ میرے آقا تم چھڑکو اس کے دھارے |
معلومات