| نورِ خدا کی چوتھی یہ تشہیر دیکھیے |
| حُسنِ حسنؑ کے جلووں کی تنویر دیکھیے |
| کون و مکاں پہ چھانے لگا نور کا سماں |
| مدحِ حسنؑ کی مؤمنو تو قیر دیکھیے |
| آغوشِ سیدہ میں ہے قرآن کی زباں |
| قرآن بولا میری یہ تفسیر دیکھیے |
| تسکینِ سیدہؑ بھی ہیں اور جانِ مصطفیٰؐ |
| دستِ علیؑ میں دین کی جاگیر دیکھیے |
| جسدم حسنؑ نے سجدے میں رکھا جبین کو |
| کعبے کی بھی چمک اُٹھی تقدیر دیکھیے |
| تیغِ قلم سے کردیا باطل کا سر قَلم |
| صلحِ حُسنؑ میں جنگ کی تصویر دیکھیے |
| رسوا کئیے ہے کفر کو اب تک جہان میں |
| جنگوں سے بڑھ کے صلحُ کی تاثیر دیکھیے |
| ظالم کی ظلمتوں سے نکالیں گے دین کو |
| کہتا ہے دین میری یہ تقدیر دیکھیے |
| صائب مجھے یہ شعر عطا کرتے ہیں حسنؑ |
| آکر فرشتے کہتے ہیں تحریر دیکھیے |
معلومات