| ہوتا تھا پُر کشش کِتنا چمن ایسا |
| آج دِکھتا جواں چہرہ کفن ایسا |
| رعب اور دبدبہ سب کھو گیا اس سے |
| گو کہ دلکش بہت لگتا ہے زن ایسا |
| "فِکر" بھی ہے گِراں، کہنا "عمل" کا کیا |
| رہتا ہے تن پرستی میں مگن ایسا |
| زُلف دیکھیں، نِگہ دیکھیں، ادا دیکھیں |
| پشت سے بھائی لگتا ہے بہن ایسا |
| زکرِ کردار سے نا آشنا ہیں سب |
| زر و زن کے عوض رکھا رہن ایسا |
| بازو والے اُگل دیتے ہیں جو تیرے |
| ہاتھ میں ہے نِوالہ اور دھن ایسا |
| اندھی تقلید کا اُٹھتا تعفّن ہے |
| زیبِ تن فخر سے کیا پیر ہن ایسا |
| خواب و خُور ہیں فقط مطمح نظر رہتے |
| ہے زمینِ گُماں میں خیمہ زن ایسا |
| چاکری پر دیارِ غیر میں خوش ہیں |
| قوم سے ہوتا شرمندہ وطن ایسا |
| مِؔہر سوچو اِعادہ فکر کرنے کا |
| چاہیے تھا نہیں کہنا سخُن ایسا |
| --------٭٭٭-------- |
معلومات