| موت کے سائے تلے اب ہے سفر میں زندگی |
| کیسا یہ عفریت ہے جس کے اثر میں زندگی |
| کوچہ و بازار خالی ، بستیاں ویران ہیں |
| دوست جس سے جا چکے ایسے شہر میں زندگی |
| کار زارِ زندگی مشکل تھا اب وہ بھی نہیں |
| مستقل بیٹھے ہوئے ہیں اپنے گھر میں زندگی |
| موت کا ہے اب شمار کیا کریں اس کا علاج |
| صبح سے اب شام تک بری خبر میں زندگی |
| وہ بھی اب ملتے نہیں پہرے لگے ہیں چار سو |
| دید کیسے ہو کہ ہے اب تو ہجر میں زندگی |
| کیسے کیسے خواب تھے اور کیسی کیسی خواہشیں |
| لٹ گئے اب خواب سارے ہے بھنور میں زندگی |
| اب تغیر ہے جہاں میں کچھ نیا ہونے کو ہے |
| 21 ویں صدی میں اب نئی ڈگر میں زندگی |
| دیکھنا ہے کیا اگلتی ہے لہر جو آئی ہے |
| گہر ہو یا وہ شرر اب ہے جزر میں زندگی |
معلومات