| یادِ محبوبِ خدا جس کی بھی عادت ہو گئی |
| آگ سے پھر با خدا اس کی حفاظت ہو گئی |
| دل میں جب عشقِ محمد ﷺ کا دیا جلنے لگا |
| دور اس دل سے یہ دنیا کی نجاست ہو گئی |
| دل کی مرجھائی کلی پھر شان سے کھلنے لگی |
| مصطفی خیر الوری کی جب عنایت ہو گئی |
| سر جھکا دے ان کے در پر عافیت کے واسطے |
| جھک گیا جو سر اسی کی قدر و قیمت ہو گئی |
| جس پہ ہو جائے کرم شاہِ مدینہ ﷺ کا کبھی |
| خلد کی حاصل اسے واللہ ضمانت ہو گئی |
| آرزو دیدار کی پیدا ہو جس دل میں عتیق |
| آس یہ دل کے لیے واللہ طہارت ہو گئی |
معلومات