| اے امامَ الاولیاء کردو کرم |
| تاجدارِ اسخیا کر دو کرم |
| نفس و شیطاں نے دبایا مجھ کو ہے |
| اے معینِ بیکساں کردو کرم |
| راہِ حق کی پاسداری ہو عطا |
| ہادیِ راہِ خدا کردو کرم |
| روشنی اور تازگی دو دین کی |
| آفتاب و رہنما کر دو کرم |
| عشقِ محبوبِ خدا اب ہو عطا |
| رونقِ کل اولیاء کر دو کرم |
| ہو عطا مجھ کو مدینے کی ٹکٹ |
| اے مرے حاجت روا کر دو کرم |
| غم کو کر دو دور اے محبوبِ خدا |
| غوث اعظم پیشوا کر دو کرم |
| معرفت کا ہو شرف مجھ کو عطا |
| عارفِ ذاتِ خدا کر دو کرم |
| سب کی مشکل دور ہو جائے شہا |
| اے مغیثِ دو جہاں کر دو کرم |
| دل جدائی کے سبب غمگین ہے |
| اے رضا کے دلربا کر دو کرم |
| عاشقِ صادق بنا دو اس کو تم |
| نور کے مرشد پیا کر دو کرم |
معلومات