دور ایسا یہاں پہ آیا ہے |
کل جو اپنا تھا اب پرایا ہے |
میں نے اس کو جہاں سے پایا ہے |
جانے کیا کیا وہیں گنوایا ہے |
زندگی بھر نہ بھول پاؤں گا |
سر پہ احسان کا جو سایہ ہے |
جن چراغوں نے روشنی دی ہے |
ہم نے ان کو یہاں بجھایا ہے |
اس کی آنکھوں میں آگئے آنسو |
حالِ دل جس کو بھی سنایا ہے |
دنیا اب تک سمجھ نہیں پائی |
اس نے انسان کیوں بنایا ہے |
حوصلہ اور بڑھ گیا میرا |
جب مجھے اس نے آز مایا ہے |
جس کے سر پیر کا ٹھکانہ نہیں |
شعر ایسا بھی گنگنا یا ہے |
کھو دیا خود کا اعتبار اطفؔ |
جب سے اپنوں سے دھوکہ کھایا ہے |
معلومات