| کسی نے پر اگر کاٹا نہیں ہے |
| پرندہ آج کیوں اُڑتا نہیں ہے |
| مِرے اندر سے یہ آواز آئی |
| کوئی بھی اور تو بولا نہیں ہے |
| بُریدہ ہیں زبانیں شہر بھر کی |
| اگرچہ سچ کوئی کہتا نہیں ہے |
| لہو میں حرف کی حرمت ہے شامل |
| یونہی کاغذ پہ لفظ اُترا نہیں ہے |
| محبت کا عجب ہی فلسفہ ہے |
| کوئی اس کھیل میں ہارا نہیں ہے |
| میں پھر اس در پہ آیا ہوں پلٹ کر |
| مجھے رستا ابھی بھولا نہیں ہے |
| زبانیں آؤ کاٹ دیں سبھی کی |
| یہاں تو کوئی بھی سچا نہیں ہے |
| تِری یادوں کے میلے میں کھڑا ہے |
| ترا عابد کوئی تنہا نہیں ہے |
معلومات