کشادہ ہیں جن سے جہانوں کے آنگن |
مزین ہوئے اُن سے ہستی میں گلشن |
ہیں نورِ نبی سے منور فضائیں |
اُنہی کی ضیا سے ہیں آفاق روشن |
زمانے پہ ہر دم ہیں احساں نبی کے |
نبی ہیں جو سلطاں بھلائی کے ضامن |
ہیں گھیرے میں رحمت کے ہر آن عالم |
نبی پاس رکھے ہیں شفقت کے مخزن |
جو ذکرِ نبی سے چمکتے ہیں طالع |
وہ ہی یاد بھرتی ہے ہستی کے دامن |
فروزاں دہر کا ضمیر اُن سے ہمدم |
جہاں مصطفیٰ کے کہے یہ مہیمن |
سدا باب وا ہیں رسولِ امیں کے |
عطائے نبی سے حسن پر ہے جوبن |
اے محمود اُن کے کرم ہیں عوامی |
نبی کی سخاوت سے ہستی ہے مامن |
معلومات