| مُرشِد خودی میں میری کمالات کرے ہے |
| میری خودی میں رہ کے مجھے بات کرے ہے |
| تعلیمِ خود آگاہی کو چھپ کر مرے اندر |
| مجھ سے وہ ہر اک آن سُوالات کرے ہے |
| مرشد خودی میں کیوں ہے، میں جان گیا ہوں |
| اعمالِ حسن کی وہ ہدایات کرے ہے |
| کامل ہے مریدوں میں ہر اک شخص وہ بے شک |
| مرشد سے خودی میں جو ملاقات کرے ہے |
| مرشد ہیں مرے نفس کی پہچان میں جو کہ |
| شیطان کے حربوں پہ فتوحات کرے ہے |
| ہستی پہ مری چھا کے مجھے کُل ہے بنایا |
| دو ذاتوں کے مالک کو وہ اک ذات کرے ہے |
| جب بولوں تو، تو بولنا، کچھ خود سے نہ کہنا |
| مرشد یہی تکرار تو دن رات کرے ہے |
| دکھلاتے ہیں اشیا کی حقیقت مرے مرشد |
| عرفان کی خود پر مرے برسات کرے ہے |
| مرشد کی عطا سے تو ہر اک چیز ملے ہے |
| ہر علم و فضیلت کی وہ خیرات کرے ہے |
| بتلا ہی نہیں سکتا مرید ان کی عطا کو |
| مرشد خودی میں رہ کے کرامات کرے ہے |
| لفظوں میں بیاں ہوں گے یہ وصفِ خودی کیسے |
| آ آ کے قلم میں جو بیانات کرے ہے |
| مرشد ہیں مرے صوفی خسرو پیر احمد |
| میری خودی کو خود کے عَلامات کرے ہے |
| گویا ہوں ذکؔی تجھ سے، مگر خود میں یہ مرشد |
| یک جا ابھی بھی ارض و سماوات کرے ہے |
معلومات