| دھواں ہے شور ہے وحشت ہے ان ہواؤں میں |
| اثر رہا ہی نہیں اب مری دعاؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہر ایک ماں میں مجھے ماں دکھائی دیتی ہے |
| خدا نے ڈالی ہے ممتا تمام ماؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ |
| فقیر جانے فلک میں یہ کھوجتا ہے کیا |
| نہ جانے دیکھ رہا ہے وہ کیا خلاؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ |
| مَیں اب کے سانس بھی لوں گا تو جان جائے گی |
| یہ کِس نے گھول دیا زہر اِن ہواؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ |
| تمام رنج و الم شاعری میں ڈھالے ہیں |
| ہمارا درد سنے کوئی اِن صداؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ |
| مرے نصیب سے بڑھ کر کیا عطا تُونے |
| ترا ہے پیار خدایا تری عطاؤں میں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ |
| کہ شب وروز غریبوں کا حق یہ مارتے ہیں |
| خدا کا خوف نہیں مانؔی اِن بلاؤں میں |
معلومات