| جلا تھا علم کی دنیا میں جو چراغ کوئی |
| خدا نے اس کو دیا تھا ذہیں دماغ کوئی |
| وہ آیتوں کی تلاوت سے جس کو سمجھا تھا |
| لگایا اُس نے اسی راز کا سراغ کوئی |
| عجیب لوگ تھے سمجھے نہ اس کی الفت کو |
| اسے تھی فکر وطن پر لگے نہ داغ کوئی |
| تمام عمر گزاری ہے اس نے خدمت میں |
| کبھی تو غور کرے صاحبِ فراغ کوئی |
| وہ پی کے بادۂ عرفان مستِ دانش تھا |
| نہ آیا اس کے لیے اور تو ایاغ کوئی |
| جو پایا اس نے تھا نوبیل کا انعام اس سے |
| بنایا علم کی ترویج کا ہی باغ کوئی |
| خدا نے بخشا ہے طارق اسے مقامِ بلند |
| عقاب کے ہے مقابل کہاں پہ زاغ کوئی |
معلومات