| غزل |
| کیجۓ حَسین لَب سے تَبسم اِسی طرح |
| تکتا رہوں جناب کو پیہم اِسی طرح |
| نا پائیدار وصل کے لمحے حسین تر |
| وقتِ سحر ملیں گُل و شَبنم اِسی طرح |
| اَب قربتوں کے لطف میں ہر شام ہو بَسر |
| ماضی کے زَخم کیجۓ مرہم اِسی طرح |
| تازہ گلاب خواب کے کِھل جائیں چَار سُو |
| آنکھیں جو سَر خوشی رہیں پرُ نم اِسی طرح |
| رَچ بس چکے ہیں شعر و سخن یوں مزاج میں |
| ہر گفتگو شہاب کی مبہم اِسی طرح |
| میٹھے سُخن سے خَلق کے دل میں رَسوخ کر |
| لہرا شہاب، اَمن کے پرچم اِسی طرح |
| شہاب احمد |
| ۲ مئی ۲۰۲۵ |
معلومات