| آنکھوں میں اشک ہے تری باتوں میں درد ہے |
| کچھ تو ضرور ہے جو ترا رنگ زرد ہے |
| علم و فنون کا جہاں ہوتا تھا کاروبار |
| یارو بہت دنوں سے وہ بازار سرد ہے |
| ہنسنا نہ تم کبھی بھی کسی کے بھی درد پر |
| دیکھو کسی کا درد ہو اپنا ہی درد ہے |
| آؤ تمہیں بتاؤں میں تعریف مرد کی |
| غیرت ہو کچھ مزاج میں جس کے وہ مرد ہے |
| شیریں کے عشق میں ہوا فرہاد کوہ کن |
| اور قیس عشقِ لیلی میں صحرا نورد ہے |
| آفات میں، بلاؤں میں اور حادثات میں |
| ثابت قدم رہا جو وہ جانباز مرد ہے |
| وہ سندباد پہلے جو دریا نورد تھا |
| الفت میں اب کسی کی بیاباں نورد ہے |
| اس نے بھی ساتھ ساتھ اٹھائے ہیں دکھ بہت |
| احسنؔ جو تیرے دل کے قبیلے کا فرد ہے |
معلومات