| دل سے زباں پہ ہم بھی تعریفِ جاناں لائیں |
| یعنی جمالِ جاں سے سپنوں کو بھی سجائیں |
| بھولیں دہر کے جنجھٹ یادِ نبی میں اے دل |
| گجرے درود لے کر در دلربا پہ جائیں |
| قربان جان کردیں آلِ نبی پہ ہم بھی |
| آقا کرم سے اپنے دل کو قوی بنائیں |
| جب سوئیں رات میں ہم دل میں امید ہو یہ |
| تشریف جانِ ہستی خوابوں میں لے کے آئیں |
| ہے سوچ میرے من کی گر مہرباں ہوں آقا |
| جلوے حسیں نگر کے اک بار پھر دکھائیں |
| ہو قدر رات کی جو ان کے ورود کی ہے |
| آمد کی عیدیں ہم بھی اک شوق سے منائیں |
| محمود دل رہے اب سرکار کے نگر میں |
| محشر میں میرے آقا اس نار سے بچائیں |
معلومات