| بے سہاروں کو اِک آسرا مل گیا |
| تیرے آنے سے کچھ حوصلہ مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی پھر اُسی موڑ پر آ گئی |
| آج رستے میں وہ بے وفا مِل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| ہم کو ماں کی دعا سے ملی ہر خوشی |
| پوچھئے مت کے جیون میں کیا مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| آخرش میرے دل میں ہی تھا ہر جگہ |
| ڈھونڈتا پھر رہا تھا خدا مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| نقشِ پا باپ کا ڈھونڈتا ہوں بہت |
| چوم لوں گا اُسے جِس جگہ مِل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| غم سے باہر نکل آؤں گا میں ترے |
| بچ نکلنے کا گر راستہ مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| معجزہ ہی سہی ہو گیا دوستو |
| ڈوبتی ناؤ کو ناخدا مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| میرے خوابوں میں ماں روز آنے لگی |
| اک خزانہ مجھے با خدا مل گیا |
| ۔۔۔۔۔۔۔۔۔۔۔۔۔۔۔۔۔۔۔۔۔ |
| پُر سکوں اب کٹے گا یہ مانؔی سفر |
| ہم سفر اِک مجھے دل رُبا مل گیا |
معلومات